Home متفرقات تخلى عنها زوجها ليلة زفافها..صديق العائلة يكشف تفاصيل الحادثة

تخلى عنها زوجها ليلة زفافها..صديق العائلة يكشف تفاصيل الحادثة

10 second read
0
0
🔴 -انا الفنان لي غنيتلها في العرس و العروسة صديقة العايلة وحاضر عن قرب على لي صار وشاورتها قبل مانحكي وخذيت الاذن
🔴 -كنت حاضر عن قرب عالي صار، العرس صار في 20 جويلية في تونس العاصمة
🔴 -هوما يعرفو بعضهم من 4 سنين وهي تخدم وقامت بمجهود جبار باش تعمل عرسها وتفرح ،وهي لي قامت بكل شي في عرسها
🔴 -برغم تعبها وظروفها عمرك ماتشوفها مكشبرة ديما تضحك و متربية عمرك ماتسمع منها العيب وتعاون الي يقصدها
🔴 -نهار الصالة على اساس جات هي مالاول نعملولها عرسها بعد يجي العريس ،وكانت متحمسة وفرحانة عالاخر في ليلة العرس،العباد تشطح والجو
🔴 -العشرة جا العريس، مالي جا العريس الجو مكهرب فما علامات ستراس و برشا غش في وجوههم والوالدة تدخل وتخرج وتقلو كلام في وذنو
🔴 -فجأة في وسط الجو جات والدتو قتلو مش هذه لي نحبها انا ،قصيرة وزيد من بلاصة معينة …
🔴-العريس يعمل هكا يهز روحو ويتبع امو ويخرج …احنا قلنا بالك باش يعمل حاجة ،العروسة قعدت تشطح باش متظهرش
🔴 -بعد شوية نشوفو في الناس داخلة بعضها ،الجو مكهرب والعباد تطلع في الكراهب وامو تقول انا مناخذوهاش ،خرجنا البرا حبينا نفهمو ونصلحو الامور
🔴 -حكينا معاها قالت معجبتنيش وقصيرة ويا انا يا هي، قلنا كل شي معاها واحنا في الشارع وشي، والناس لداخل تسأل شنوة لي فما
🔴 -العدل موجود اما مخلطوش لمرحلة يشد الستيلو و حكاية امو فكتلو الستيلو مش صحيحة
🔴 -اخر كلمة قالهالنا “هاو باش نمشي نجيب عمي ونجي” ..ومشا ومرجعش وسكرو تليفوناتهم الكل هو وعايلتو
🔴 -روح وهز معاه حتى مفاتح الدار الي فيها دبشها وجهازها خلعو الباب باش تنجم تبدل حوايجها
🔴 -شافوها ضعيفة ومعندهاش حد ،تسببولها في دمار نفسي كبير برشا على خاطر حبت تعمل عاايلة ومحسبتهاش معاه فلوس
🔴-هي انسانة رائعة بكل معنى الكلمة و ان شاء الله ربي يعوض عليها بماخير
Load More Related Articles
Load More By Tunisie info
Load More In متفرقات

اترك تعليقاً

لن يتم نشر عنوان بريدك الإلكتروني.

Check Also

الاحتفاظ بوالي وكاتب عام سابقين ومراقب مصاريف و3 موظفين بمركز الولاية

أذنت النيابة العمومية بالمحكمة الابتدائية بزغوان اليوم الاثنين بالاحتفاظ بوالي وكاتب عام و…